Hľadaný výraz: Mt 28,1-8, Preklad: Hebrejský - Moderný, Počet výsledkov: 1
| 1 ואחרי מוצאי השבת כשהאיר לאחד בשבת באה מרים המגדלית ומרים האחרת לראות את הקבר׃ 2 והנה רעש גדול היה כי מלאך יהוה ירד מן השמים ויגש ויגל את האבן מן הפתח וישב עליה׃ 3 ויהי מראהו כברק ולבושו לבן כשלג׃ 4 ומפחדו נבהלו השמרים ויהיו כמתים׃ 5 ויען המלאך ויאמר אל הנשים אתן אל תיראן הן ידעתי כי את ישוע הנצלב אתן מבקשות׃ 6 איננו פה כי קם כאשר אמר באנה ראינה את המקום אשר שכב שם האדון׃ 7 ומהרתן ללכת ואמרתן אל תלמידיו כי קם מן המתים והנה הוא הולך לפניכם הגלילה ושם תראהו הנה אמרתי לכן׃ 8 ותמהרנה לצאת מן הקבר ביראה ובשמחה גדולה ותרצנה להגיד לתלמידיו׃ |
